Durangoko Merinaldearen Amankomunazgoaren Durangaldeko Behargintzak, honako helburuak ditu: Udalerrian enplegua sutatzea, enpresak sortzeak eta ekonomia sustatzea.

Lanari, trebakuntzari eta enpresak sortzeari buruz behar duzun informazioa guztia dugu.

Harrera Zerbitzuan, astelehenetik barikura 08:00etatik 15:00etara, ordua eskatu barik, gure zerbitzuei eta bertan sartzeko moduari buruzko informazio pertsonalizatua emango dizugu.

• Biderapena: lana bilatzeko lagungarri izango zaizkizun banako eta taldeko jardueretan parte hartu ahal izango duzu.
• Lana: zure curriculuma Lanbide zerbitzuan sar dezakezu.

• Lanerako prestakuntza: Lanbide-trebakuntzako ikastaroak. Ikastaro horiek langabezian dauden eta beren lan-egonkortasuna hobetu behar duten pertsonei zuzenduta daude. Helburua da lanpostuaren oinarrizko prozesuak garatu ahal izatea, lan-merkatuak eskatzen dituen erritmoz eta kalitatez.
• Etengabeko prestakuntza: gehienbat, lanean ari direnei zuzendutako ikastaroak dira; beraien prestakuntza hobetu eta lanean egonkortasuna lortzeko.
• Heziketa osagarria: Enplegu-eskatzaileen trebetasun sozialak eta lan-gaitasunak hobetzeko ekintzak.

Honako hauetan laguntza emateko zerbitzu pertsonalizatua du:

• Enpresa ideia aztertzea eta enpresaren Bideragarritasun Plana egitea.
• Laguntzei eta finantzabideei buruzko informazioa.
• Enpresa kudeatzeko trebakuntza.
• Zure enpresa abiaraztea.
• Uneko aholkularitza, kudeaketaren hainbat arlotan.
• Ekintzailetza Gela: ekintzaileentzako elkargunea