Europar Batasunekoak ez diren herrialdeetako atzerritarrek Espainian lan egin dezakete besteren kontura (enplegatzaile batek kontratatua) edo euren kontura baldintza jakin batzuk beteta. Horretarako lan eta bizileku-baimena behar da. Baimen hori jatorrizko herrialdean lortu behar da, bizileku-baimenaren titularra izan ezik. Espainian modu irregularrean egoteak berekin dakar lan eta bizileku-baimena lortzeko eskabidea ez onartzea dakar.
Lan egin ahal izateko beharrezkoa da 18 urtetik gora izatea, nahiz eta 16 urtetik aurrera lan egin daitekeen guraso edo tutoreen baimenarekin.
Lan- eta Egoitza-Baimenik gabe kontratatutako langile atzerritarrak ez daude legezko egoeran baina lan-eskubideak dituzte. Ez-ohikotzat jotzen den edozein egoera, gehiegizko ordutegiak, soldata bereizkeriak, zenbatekoak erreklamatzea, istripu arriskuak edo bidegabeko kaleratzeak esaterako, edozein erakunde sindikali (ELA, CC.OO., LAB, UGT, EHNE, Etxeko Langileen Elkartea) ) edo lan-agintaritzari (Lan-Ikuskaritza) jakinarazi dakioke.
Lan eta bizileku-baimena duten atzerritarrek enplegua eska dezakete eta horretarako izena eman dezakete Euskal Enplegu Zerbitzuan Lanbide. Erakunde horretan izena emanda egoteak eskubidea ematen du lanerako prestakuntza hartzeko ikastaroak egiteko. Halaber, lan eta bizileku-baimena duten atzerritarrez gain, bizi-leku baimena daukatenak Lanbiden izena eman ahalko dute lana eskatzeko.
Langabezian egotea Lanbideren bidez egiaztatu behar da eta erabilgarria izan daiteke enplegatzaileak horrelako pertsona bat kontratatuz gero, kontratuan onurak edukitzeko.
Lanbiderako prestakuntzaren alderdi zehatzetarako, aipatutako erakundeetara ez ezik Hobetuz erakundera edo lanbide-heziketako ikastegietara jo daiteke.
Durangoko Udalak eta Durangoko Merinaldearen Amankomunazgoak, Behargintzaren bidez, lan bila ari diren guztiei ematen die laguntza, bai lanean hasteko bai enpresa bat sortzeko. Halaber, zentro honen bitartez, interesatuak izena eman dezake Lanbiden, Euskal Enplegu Zerbitzuan.
Hauexek dira enplegurako bestelako baliabideak Durangoko udalerrian:
- Lanbide edo Euskal Enplegu Zerbitzua.
- Zabaltzen - Sartu, Lanbide-Euskal Enplegu Zerbitzuaren laguntzailea.
- Zaintza-Cáritas (Etxe-zerbitzua).