Etxebizitza eskuratzea

Hauexek dira etxebizitza lortzeko gehien erabiltzen diren bi moduak: salmenta edo alokairua. Salmentaren kasuan, eroslearen eta saltzailearen arteko salerosketako kontratua eskritura publiko egiten da. Hots, kontratua sinatzen da notario baten aurrean, eta notarioak Jabetza-Erregistrora eramaten du salerosketa egiaztatzeko. Alokairuaren kasuetan, bi aldeen arteko dokumentu pribatua izaten da

Etxebizitza librea, babestua edo herri titulartasunekoa (titulartasun publikokoa) izan daiteke. Durangon, etxebizitzari buruzko informazioa emateko zerbitzu publikoak daude (Durango Eraikitzen , Etxebide) baita inmobiliaria eta sustapen-zerbitzu pribatuak ere.

Durango Eraikitzen Sozietate Publikoa Durangoko erreferentea da honako informazioa emateko:

  • Etxebizitza publikora sarbidea ( Etxebide-an inskripzioa).
  • Alokatzeko diru-laguntzak.
  • Etxeak birgaitzeko dirulaguntzak.

Informazio gehiago

Etxebizitza erosteko gida

Etxebizitza eskuratzeko laguntza publikoak

Etxebizitza publikoa edo babestua lortzea.

Saltzeko nahiz alokatzeko laguntza publikoak daude. Euskadin, laguntza publikoak lortzeko, Euskadiko Autonomia Erkidegoko Etxebizitza Eskatzaileen Erregistroan izena eman behar da. Eskaeran, interesdunak bizileku berrian elkarrekin bizitzea espero duen familiakoen oinarrizko datuak jaso behar ditu.

Kasu guztietan, pertsonak jarraitu behar dion prozesua berdina da eta eskabidea lau urterik behin berritu behar da.

Durangon etxebizitza eskatzen duten pertsona guztiek zerrenda bakarra osatzen dute. Zerrenda honek Durangoko Udaleko eskaintzak nahiz Etxebide-k hautatutako udalerrietan eskaintzen dituenak barne hartzen ditu.

Informazio gehiago

Durango Eraikitzen

Etxebizitza babestu edo publikorako aukerak

  • Etxebizitza berria erostea (bi modalitate).
  • Erabilitako etxebizitza erostea.
  • Tasatutako etxebizitza erostea
  • Babes ofizialeko etxebizitza alokatzea.
  • Etxebizitza soziala alokatzea.
  • Erabilitako etxebizitza alokatzea - BIZIGUNE PROGRAMA

 

Baldintzak

Etxebizitzarako laguntza publikoak eskatu ahal izateko Etxebide, ondorengo baldintza hauek bete behar dira:

  • 18 urte baino gehiago izatea edo adingabeko emantzipatua izatea.
  • Erroldatuta egotea.
  • Eskaera egin aurreko bi urteetan babes ofizialeko etxebizitzarik lortu ez izana, alokairu kasuetan izan ezik.
  • Gutxieneko diru-sarrerak egiaztatzea eta gehieneko diru-sarrerak ez gainditzea.

Administrazioak datuak egiaztatzen ditu.

  • Babes ofizialeko etxebizitzarik lortu ez izana eskabidea aurkeztu aurreko bi urteetan (alokairuzkoa salbu).
  • Atzerritarrek berton egoteko baimena eduki beharko dute, indarrean dagoena. Erosteko etxebizitza lortu nahi bada, iraupen luzeko baimena beharko dute.

    Alokatzeko etxebizitza duten pertsonentzako dirulaguntza publikoak.

    Alokairuko etxebizitza-kontratua duten pertsonentzako diru-laguntzak daude. Durangoko Udalak etxebizitza alokatzeko laguntzak ematen dizkie 18 eta 35 urte bitarteko gazteei.

    Udalaren laguntza gazteei etxebizitza alokatzeko:

    Durangoko Udalak alokairuan dauden edo egin nahi duten 18-35 urte bitarteko gaztentzako dirulaguntza eskaintzen du. Urteko laguntza da eta eskakizunak urtero aldatzen dira. Informazioa emateko eta laguntza hauek izapidetzeko, Durango Eraikitzen Sozietate Publikora joan behar da.

    Etxebizitzak birgaitzeko dirulaguntzak:

    Etxebizitzaren barrualdea berritzeko eta birgaitzeko diru-laguntzak daude (lehioak aldatu, intalazioak hobetu, elektrizitatea, gasa, berogailua,...). Jabetzako etxebizitza baduzu, eta etxebizitzan hobekuntzaren bat egin behar baduzu, Etxebide web-gunean informatu edo eskaera deskarga dezakezu, baita Durango Eraikitzen-en ere.

    Programazioa: XHTML Erabili CSS2 araudiaren arabera baliozkoturiko estilo-orriak  W3C-WAIko 1.0 webaren edukirako irisgarritasun ildoen AA maila duen bat etortzeari buruzko ikonoa. Diseinu erabilerraza: Eskura21